Agua de Mar

A marca

A auga de Mar Brétema extráese en Sabadelle, no cantil litoral da Costa da Morte, cuxas temperaturas baixas e correntes provenientes do Atlántico Norte Central, proporcionan a estas augas características únicas.

Estas condicións exclusivas fan que esta auga de mar sirva como gran achega de elementos tales como: hidróxeno, nitróxeno, osíxeno, magnesio, manganeso, sodio, potasio, calcio, ferro, fósforo, flúor, sílice e iodo, que facilitan a absorción das vitaminas imprescindibles nos procesos encimáticos das células, cos consecuentes beneficios para a saúde.

Tras extraela nunha contorna natural protexida afastada de calquera contaminación industrial, a auga trátase mediante un sistema de microfiltrado en frío, sen utilizar ningún tipo de aditivo químico nin disolventes, polo que chega ao cliente mantendo todas as súas propiedades.

A auga de Mar Brétema comercialízase en cantidades de 3, 5 e 15 litros co sistema de envasado “bag in box”. Este sistema garante a perfecta conservación do contido durante máis de doce semanas despois da súa apertura, conservando as características organolépticas da auga. É un deseño óptimo para a almacenaxe e ecolóxico pola súa fácil reciclaxe.

Tamén se comercializa en formato 1 L en botella de cristal.