Sabadelle é un pequeno descanso no medio dos cantís da perigosa Costa da Morte de Galicia e está considerada a xanela ao mar de Vimianzo, lugar onde esta terra toca as bravas augas do Atlántico. 

A súa situación estratéxica e privilexiada fraguou o nacemento e xerme de  Coido de Sabadelle SL. unha empresa nova na que se  aúnan tres conceptos fundamentais:

• A incomparable gastronomía de Vimianzo, que ten os seus cimentos na época castrexa e medieval. 

• O aprecio e respecto polo medio natural, cuxas características xeográficas e climatolóxicas sustentan a calidade dos ingredientes da nosa cociña.

• O I+D+i, enfocado ao estudo para a incorporación de compoñentes naturais e métodos culinarios que fuxan do artificio, potencien o sabor das receitas de sempre e sexan a base de novos pratos na cociña contemporánea.

Desde a súa sede en Vimianzo, A Coruña, Coido de Sabadelle ten como misión achegar á túa cociña todo o sabor da Costa da Morte a través dos seus produtos de Auga de Mar.