A auga de Mar Brétema procede do cantil litoral da Costa da Morte, cuxas temperaturas baixas e correntes provenientes do Atlántico Norte Central achegan a estas augas características únicas, facendo que Galicia sexa unha das zonas mariñas máis ricas do mundo.
As nosas augas móvense formando un circuíto en dúas capas. A capa superficial sae das rías, polo que achega a auga dos ríos, con menor densidade e maior temperatura, mentres que a capa inferior entra polo fondo máis fría e con maior salinidade.
Estas condicións exclusivas fan que a auga de Mar Brétema sirva como gran achega de elementos como: hidróxeno, nitróxeno, osíxeno, magnesio, manganeso, sodio, potasio, calcio, ferro, fósforo, flúor, sílice e iodo, que permitirán a absorción das vitaminas imprescindibles nos procesos encimáticos das células, cos consecuentes beneficios para a saúde das persoas consumidoras.
A extracción da auga de Mar Brétema realízase en Sabadelle, paraxe natural do concello de Vimianzo afastado de calquera tipo de contaminación industrial. A auga recóllese nunha zona estratéxica protexida pola Rede Natura 2000, cunha calidade de auga A de forma estable, segundo as análises periódicas realizadas por INTECMAR.
Para iso, téñense en conta as condicións climatolóxicas e o patrón de ventos, aproveitando as mellores correntes para a extracción da auga, para así conseguir os niveis máis altos de calidade.
O tratamento da auga realízase mediante un sistema de microfiltrado en frío, sen utilizar ningún tipo de aditivo químico nin disolventes, polo que chega ao cliente mantendo todas as súas propiedades.
Auga de mar Brétema está dispoñible para venda directa ao público na nosa web:
www.aguademarbretema.com
Tamén se pode atopar en tendas gourmet, bio/eco e orgánicas.
Dispoñible en supermercados orgánicos, distribuidores especializados e herbolarios.
